南小館Plus (已結業)

以前经常去南小馆食小笼包，因为佢真系好抵食，好平，但自从佢愈开愈多分店，价格持续上升就冇再去了。今日再踏足嘅原因系佢竟然出左酸菜鱼，作为一个酸菜鱼迷，当然要去试一试。酸菜鱼嚟到目测个汤都比较油，但系一个酸菜鱼好唔好食真系要试下个汤先知。饮落唔系真系咁油，最重要系佢调过个辣度，绝对适合香港人口味，而酸度亦都好够，最令我意外嘅系佢除左酸菜同腌萝卜外，仲有莴笋，金针同紫薯粉。不过佢个腌萝卜偏甜，我觉得麻麻地，酸菜味道都偏淡，唔够酸。不过佢个鱼系用鲈鱼，都好滑。我觉得喺香港188蚊嚟讲算系咁。而佢嘅小笼包当然唔少得，依旧系皮薄弹牙，肉汁都好甜，好食，冇退步。食物质素依旧，只系价钱贵左，不过喺叔唔到大陆嘅情况下，我都会嚟依酸菜鱼嘅。