茶木‧台式休閒餐廳 (MOSTown) (裝修中)

今晚同男朋友系屋企附近食饭，因为佢话想食茶木，就去左茶木。我嗌左我最爱嘅鸡扒肉燥饭，今日个鸡扒比较薄，不过肉燥饭依然有水准。最爱呢个肉燥饭，肉燥份量都几多，但又唔会好腻。虽然今日块鸡扒比较薄，不过十分香脆。另外嗌左个卡邦尼，呢个都比想像之中好食好多，好有惊喜。啲面好烟韧，同牛肉面啲面好相似，唔知系咪一样。至于个汁好香，香浓嘅忌廉、奶味。绝对可以西式餐厅媲美。呢个红油抄手其实几好食嘅，馅料都几新鲜，但系系辣到食唔到嘅。如果无咁辣就正喇。最后仲有一杯水果茶，之后饮过几好饮所以嗌嘅。不过饮完今次应该无下次，因为实在系太太太甜了。整体而言，系呢个马鞍山沙漠我觉得茶木都算好好食了。而且晚餐黎讲，价钱都叫合理。