星廚 (已結業)

我以前住长沙湾青山道附近，听闻有间猪手好食，叫星厨。点知开左无几耐又执左，以为佢做唔住，系前排先知原来搬左去太子。系佢长沙湾店年代已经爱上佢既咸猪手，以为无机会再试，一知道原来佢系太子东山再起，即刻约朋友去食！首先黎到既系法包，摸上手仲系热既，牛油系面包上慢慢溶化，算系西餐既基本前菜，合格！蘑菇汤好浓郁，好多切碎左细细粒既蘑菇碎系汤入面，啱晒钟意有啲咬口既我。咸猪手果然无令我失望，一样咁大件兼咁好食！佢既咸猪手好香，外皮好脆，神奇既系入面啲肉唔会好干，啲肉质好林，好入味！不枉我特登黎食！系香港食呢个份量既咸猪手最少都要$200-$300，呢度大大只都只系百几蚊，好抵食。咸猪手转套餐有薯菜，好少食到会推荐既薯格，真系要趁热食！另外叫左芝士蘑菇意粉，蘑菇好大只，上面加左好多配料，好juicy，但系食完蘑菇净返啲意粉就有啲dry。最后，我地2个人真系食唔晒只咸猪手，唯有打包，仲可以攞旧骨返屋企煲汤添。