牛極 (雅怡居)

营业中

休息中

牛极我记得好耐之前有食过，啱啱兴食石烧牛果阵佢已经系度，算系开左几耐。记得果阵食左个牛柳几好食。今次黎到，见到有午市套餐，除左牛之外，仲有鸡肉、鳗鱼、猪腩片选择，而且价钱好抵食😳五十几至六十几蚊就有得食个午市套餐，仲包沙律吧任食。沙律、白饭、汤都可以任装，一定食得饱😋1⃣️日式鸡排烧（$55）成块热石上，滋滋声🤤鸡排都几大块，鸡皮几脆，鸡肉嫩滑，面头仲有少少照烧汁，唔错☺️另外出面有唔同酱汁可以攞，有蒜蓉、烧肉汁同埋辣酱，配鸡排食都几好。  另外出面既沙律可以任拎，仲有胡麻酱同埋柚子醋汁可以落，开胃又健康。最钟意既系佢地既汤，记得上次黎食好似系面豉汤，今次黎食系杂菜牛肉汤🤩饮落酸酸甜而且好足料，入面有好多萝卜、洋葱，仲有啲牛肉粒添！啲料煲得好淋好烂，好正。