神石燒 (愉景新城)

营业中

休息中

今日去荃湾行街又想去食石烧牛，咁就去返呢度攞位，约等咗10分钟左右就可以入座算快！上次佢哋新开张$88有300 gram但而家冇咗呢一个餐啦！佢哋所有扒类都有有前菜沙律同埋餐汤有泡菜/洋葱牛脷汤选择，牛脷汤好饮，白饭任装同埋仲有紫菜味粉。我哋今次叫咗美国拉面安格斯牛肩扒（ $148 ）有300 g，有咗上次经验，所以今次块牛扒放碟上之后再慢慢切开同加热，咁就唔惊响块石板上整熟晒，牛肩扒都好有肉味不过筋比较多，同埋之后如果块石板唔够热，可以叫佢换过一块添！另外仲叫咗冻黄金荞麦杯牙珍珠奶茶（ $34）好似饮麦精咁样味道都唔错！