影片
更多
2022-07-23
2222 浏览
餐厅：心里有素 (油麻地)地址：油麻地广华街38号地舖油麻地近广华医院有间啱啱6月先新开嘅素食餐厅——心里有素 @veggiemind.group 🥦，佢哋主打素食自助餐，食物不含有五辛：葱、大蒜、小蒜、韭菜、洋葱🧅，而且食物喺每段自助餐时段都会源源不绝添加，包你食到捧住个肚返屋企😎星期六嘅中午时间嚟食，做紧新张优惠$88可以食75分钟，分两个时段11:45-13:00同埋1301-1415，就算假期嘅晚市嚟食都唔算贵，食90分钟都喺$108，仲唔收加一；价钱嚟讲真喺算几抵食👍心里有素以健康同真材实料做主打，所用嘅油喺野山茶油，呢种油不饱和脂肪酸含量高达91%，相对一般油健康；佢哋仲用百年老字号余均益嘅辣椒酱去炒饭面，果然唔惹少🌶每一轮自助餐都有40几款选择，沙律🥗、水果🍉、前菜、小菜、主食🍛、饮品🍵、汤品🍲、炸物🍤、甜品🍮，应有尽有，而某啲食物喺含有蛋奶成份，例如加咗蛋黄同皮蛋嘅嫩滑蒸蛋，同埋蛋白炒西兰花🥦，唔食蛋奶嘅人要注意喇⚠️值得推介嘅有辣椒炒茭白笋，当中仲有茶树菇、花生芽、西芹等蔬菜，炒香后有微微辣香相当惹味🌶，有啲似食紧炒回锅肉𠮶阵辣香😝另外仲有个香味好浓嘅黑松露伊面，原来佢
地址：油麻地广华街38号地舖
油麻地近广华医院有间啱啱6月先新开嘅素食餐厅——心里有素 @veggiemind.group 🥦，佢哋主打素食自助餐，食物不含有五辛：葱、大蒜、小蒜、韭菜、洋葱🧅，而且食物喺每段自助餐时段都会源源不绝添加，包你食到捧住个肚返屋企😎
星期六嘅中午时间嚟食，做紧新张优惠$88可以食75分钟，分两个时段11:45-13:00同埋1301-1415，就算假期嘅晚市嚟食都唔算贵，食90分钟都喺$108，仲唔收加一；价钱嚟讲真喺算几抵食👍
心里有素以健康同真材实料做主打，所用嘅油喺野山茶油，呢种油不饱和脂肪酸含量高达91%，相对一般油健康；佢哋仲用百年老字号余均益嘅辣椒酱去炒饭面，果然唔惹少🌶
每一轮自助餐都有40几款选择，沙律🥗、水果🍉、前菜、
小菜、
主食🍛、饮品🍵、汤品🍲、炸物🍤、甜品🍮，应有尽有，而某啲食物喺含有蛋奶成份，例如加咗蛋黄同皮蛋嘅嫩滑蒸蛋，同埋蛋白炒西兰花🥦，唔食蛋奶嘅人要注意喇⚠️
值得推介嘅有辣椒炒茭白笋，当中仲有茶树菇、花生芽、西芹等蔬菜，炒香后有微微辣香相当惹味🌶，有啲似食紧炒回锅肉𠮶阵辣香😝
另外仲有个香味好浓嘅黑松露伊面，原来佢哋专登用咗比较贵嘅黑松露，伊面炒出嚟黑松露味比较出，令人食唔停口，听到隔离枱都喺度大赞呢🤣
我去𠮶日咁啱有新菜式推出，用乌冬起胶再加豆腐整成伪蛋饼，加上炸紫菜、腰果碎、黑椒等配料香料，食落又真喺有8分似食紧蛋饼😋，唯独喺觉得调味重咗少少🤏
其余嘅炸物咸香可口，今日有番薯天妇罗、椒盐金针菇、椒盐茶树菇同南瓜天妇罗，用咗热灯照住保持香脆同温度，保温同保质方面做得几好🤓
适逢呢排日日都三十几度☀️，餐厅仲专登煲咗薏米冬瓜腰果红萝卜汤比大家消吓暑，认真够晒细心呢💕
最后紧喺食甜品，先食咗碗加咗龙眼肉同杞子嘅清甜桃胶，
再食咗个超浓滑、加咗云呢拿籽而唔喺单单云呢拿油嘅焦糖炖蛋，令蛋香同云呢拿味更加突出，最后仲有奶滑有阵阵奶香嘅意式奶冻，超满足🥰饮品方面除咗有茶包之外🍵，仲有柠檬薏米水、玄米茶、桑椹山楂红枣茶呢啲自家制健康饮品，我就紧喺饮返杯薏米水清吓热同祛湿啦😙
张贴
