影片
更多
2022-01-01
576 浏览
Marbling @ 铜锣湾为咗庆祝圣诞节🎄, 特别黎咗铜锣湾呢间Mr. Steak旗下嘅Marbling 食semi-buffet头盘选择都唔少，以沙律为例，有柚子海虾沙律、羽衣甘蓝带子沙律、红菜头沙律等等，仲有一啲常见冷盘例如烟三文鱼同火腿，亦有芝士同法包等等，满足到唔同人嘅口味。头盘黎讲味道同款式都唔错，剩系食头盘都有少少饱😂主菜方面，大概有八款主菜可以拣，我地分别叫咗火鸡拼黑毛豚腿、烤英国猪柳伴焦糖苹果同埋精选烧烤拼盘。首先要赞下火鸡拼黑毛豚腿，作为圣诞特色食品，我一见到有火鸡就毫不犹豫拣咗呢份为主菜。火鸡煮得几好，肉质嫩滑，调味适中；黑毛豚腿同样肉质嫩滑，但即使配埋酱汁仍然觉得味道略淡，如果可以咸番少少就完美🙌🏻 烤猪柳份量十足，虽然厚身嘅猪柳咬落啖啖肉，可惜嘅系煮得干咗啲，同埋味道偏淡，如果咸番少少就更好。作为最贵嘅一烧烤拼盘($288)系有高少少嘅期望，上菜后果然系份量唔错，包含咗烧大虾、安格斯牛扒同埋烧春鸡。大虾肉质新鲜，牛扒煎得几香口，鸡肉烧得亦几好唔会太干；唯一不足同样都系味道偏淡，食开淡口嘅朋友应该钟意。甜品款式以semi-buffet黎讲都唔错，卖相亦好有圣诞
为咗庆祝圣诞节🎄, 特别黎咗铜锣湾呢间Mr. Steak旗下嘅Marbling 食semi-buffet
头盘选择都唔少，以沙律为例，有柚子海虾沙律、羽衣甘蓝带子沙律、红菜头沙律等等，仲有一啲常见冷盘例如烟三文鱼同火腿，亦有芝士同法包等等，满足到唔同人嘅口味。头盘黎讲味道同款式都唔错，剩系食头盘都有少少饱😂
主菜方面，大概有八款主菜可以拣，我地分别叫咗火鸡拼黑毛豚腿、烤英国猪柳伴焦糖苹果同埋精选烧烤拼盘。首先要赞下火鸡拼黑毛豚腿，作为圣诞特色食品，我一见到有火鸡就毫不犹豫拣咗呢份为主菜。火鸡煮得几好，肉质嫩滑，调味适中；黑毛豚腿同样肉质嫩滑，但即使配埋酱汁仍然觉得味道略淡，如果可以咸番少少就完美🙌🏻 烤猪柳份量十足，虽然厚身嘅猪柳咬落啖啖肉，可惜嘅系煮得干咗啲，同埋味道偏淡，如果咸番少少就更好。
作为最贵嘅一烧烤拼盘($288)系有高少少嘅期望，上菜后果然系份量唔错，包含咗烧大虾、安格斯牛扒同埋烧春鸡。大虾肉质新鲜，牛扒煎得几香口，鸡肉烧得亦几好唔会太干；唯一不足同样都系味道偏淡，食开淡口嘅朋友应该钟意。
甜品款式以semi-buffet黎讲都唔错，卖相亦好有圣诞特色，剩系个样已经令我食欲大增🥰 款式包括树枝蛋糕、面包布甸、木糠布甸、牛奶布甸、红桑子慕丝蛋糕，亦有少量生果包括菠萝🍍同西瓜🍉。甜品区入面我最推荐红桑子慕丝蛋糕，唔会太甜，卖相又靓😍牛奶布甸都值得推荐，口感好滑之如牛奶味亦好足！
环境而言，餐厅都几大，有室内位置亦有室外位置，室外位置有暖炉，值得加分！唯一缺点系女洗手间只有一格，排队排咗好耐，而且冷气劲冻，同用餐区有明显温差，冇著外套嘅我只可以尽快离开......
整体黎讲，Marbling 食物质素同种类以呢个价钱黎讲系几好。如果大家想揾大概200-300嘅semi lunch buffet 餐厅，Marbling 系一好选择👍🏻
-
#foodiecouple_铜锣湾
张贴
