大瀛喜日本料理 (已結業)

今晚我地决定去旺角 大瀛喜日本料理探店，5点未到去到五楼已经有50几人系度排队，不过都好彩，因为我地早去所以仲有位剩。晚市放题(1700-1900) $248大瀛喜日本料理属于半自助式放题，先讲自助区域，有京葱拖罗蓉塔、加州卷、鳗鱼卷、炸鲜奶、炸鸡块、炸饺子、龙虾沙律多士、牛油粟米、味付螺肉、中华沙律、带子裙边、枝豆、椰汁雪燕切、虫草花鸡汤等，真系有好多选择。饮品区域，汽水、纸包饮品、果汁、啤酒当然一定有仲有清酒、梅酒，估唔到连Hoegaarden都有。其他主要用QR code 下单，刺身选择有三文鱼、吞拿鱼、北寄贝、带子、甜虾等大路嘢，其他仲有矶煮鲍鱼和松叶蟹脚，由于未试过，所以我地都系稳阵啲每样点一件试下。刺身全部都非常新鲜，叫咗咁多round，质素基本上都可以保持得到，抵赞。除了刺身，寿司，其实仲有好多其他嘢食，好似芝麻鸡翼、芝士烧虾、烧牛舌、烧菠萝、铁板一口牛柳、京烧比目鱼、羊鞍甚至连酸菜鱼、羊腩煲和北海道牛乳海鲜锅，真系总有一款会啱你。甜品区选择都唔少，软雪糕、甜筒、雪条、蛋糕、啫喱、豆腐花，仲有我至爱嘅Häagen-Dazs 雪糕杯。总括食物质素真心全部都唔差，改变咗我对