Café East

营业中

休息中

好耐冇食自助餐，周年纪念就一于食好D去食dinner buffet，朋友介绍呢间位于尖东既酒店，前身为日航酒店，翻新后改左名，叫做千禧新世界香港酒店。自助晚餐6:30pm开始，自助餐地方唔大，但胜在麻雀虽小，五脏俱全，头盘，沙律，刺身寿司，海鲜，热荤，甜品既选择都好多！一去到当然先食海鲜：龙虾、面包蟹、长脚蟹脚、大虾等等。见佢refill都好快，唔会好快就见底～海鲜好新鲜，系一大回本位！热荤黎讲选择好多，不过最惊喜系现场既铁板烧，有和牛，鹅肝，大虾等等，即叫即做。呢个价钱可以食到铁板烧和牛，又系另一个回本位！一整块咁上，烧到medium rare，入面仲有少少生，入口即溶。仲有即场起你面前用火鎗烧既乳猪，热辣辣，乳猪皮烧到脆卜卜～太多野食喇，食足3个钟都食唔哂～仲见到佢有煮面既厨房，即场镬气小炒，片皮鸭，中式炖汤等等，不过仲要留肚食甜品呀！另外值得介绍既系甜品，最吸睛系呢d点心造型既甜品，有虾饺、鹌鹑蛋烧卖、鲍鱼等等，一笼一粒，系唔同味道既糕黎，有椰汁糕咖啡糕等等。张点心纸都可以食，厨师介绍系用威化纸整既，不过食落口其实冇咩味，都系用黎打卡就够喇～即叫即做既梳乎厘同埋槟城薄饼都好好食。