影片
更多
2023-05-08
1352 浏览
2023年4月24日 星期一已经好耐无同老婆两个人食自助餐，所以今晚就预约左沙田丽豪酒店既呢间餐厅食，不过去到听店员讲原来用openrice预订可以有更多折扣，可惜我唔知，净系去左官方网页预订，所以需要俾原价，每人加埋一大约六百几蚊左右不过唔紧要啦，下次再嚟一定会拎埋折扣先入到去首先当然要睇吓海鲜区，都有几多款海鲜，包括蟹脚、虾、花蟹同贝壳类海鲜等等，留意到店员一见食物差唔多清空嘅时候就会立即补给，所以唔怕海鲜比其他人食晒我就试咗蟹脚、虾同半只花蟹，三款海鲜都好新鲜，其中蟹脚唔会太咸，有少少海水味，而且拆出嚟嘅时候蟹肉同壳唔会黐住，可以一疏疏咁食，而虾就好弹牙，完全无霉，仲几鲜甜添之后烧物区有焗蚝，分别有白汁蘑菇同烟肉味可以拣，个人觉得烟肉焗蚝比较夹，因为感觉冇咁腻，而且烟肉嘅咸香同蚝肉几衬，如果蚝肉大只啲会更加好至于烧烤区仲有烧羊架同烧菠萝等等，最特别系竟然有韩式炸鸡，原来咁啱餐厅做紧韩国主题，分别有唔同嘅韩国菜式，我试咗其中一旧韩式炸鸡，炸浆唔算太厚，里面既鸡肉仍然好幼嫩，仲有肉汁流出嚟添，点埋韩式甜辣酱一齐食，甜甜辣辣咁，味道更加丰富至于另一款韩国菜式就系香辣泡菜芝士年糕，年糕煮
已经好耐无同老婆两个人食自助餐，所以今晚就预约左沙田丽豪酒店既呢间餐厅食，不过去到听店员讲原来用openrice预订可以有更多折扣，可惜我唔知，净系去左官方网页预订，所以需要俾原价，每人加埋一大约六百几蚊左右
不过唔紧要啦，下次再嚟一定会拎埋折扣先
入到去首先当然要睇吓海鲜区，都有几多款海鲜，包括蟹脚、虾、花蟹同贝壳类海鲜等等，留意到店员一见食物差唔多清空嘅时候就会立即补给，所以唔怕海鲜比其他人食晒
我就试咗蟹脚、虾同半只花蟹，三款海鲜都好新鲜，其中蟹脚唔会太咸，有少少海水味，而且拆出嚟嘅时候蟹肉同壳唔会黐住，可以一疏疏咁食，而虾就好弹牙，完全无霉，仲几鲜甜添
之后烧物区有焗蚝，分别有白汁蘑菇同烟肉味可以拣，个人觉得烟肉焗蚝比较夹，因为感觉冇咁腻，而且烟肉嘅咸香同蚝肉几衬，如果蚝肉大只啲会更加好
至于烧烤区仲有烧羊架同烧菠萝等等，最特别系竟然有韩式炸鸡，原来咁啱餐厅做紧韩国主题，分别有唔同嘅韩国菜式，我试咗其中一旧韩式炸鸡，炸浆唔算太厚，里面既鸡肉仍然好幼嫩，仲有肉汁流出嚟添，点埋韩式甜辣酱一齐食，甜甜辣辣咁，味道更加丰富
至于另一款韩国菜式就系香辣泡菜芝士年糕，年糕煮得好烟韧，而且入晒味，咬落去有好浓郁嘅泡菜香味，而且越辣越起劲，啱晒钟意食辣嘅人士
食食下突然间听到店员摇钟，原来系芝士焗龙虾焗起，叫所有客人去拎，行过去见到成盘龙虾摆晒出嚟，有好香嘅芝士味，热辣辣
我哋每人要左一份龙虾，食嘅时候，包住龙虾肉嘅芝士同时间拉埋出黎，有少少拉丝嘅效果，令到原本龙虾肉既味道再提升！！最后我忍唔住encore再食多两份
甜品方面都有唔少选择，仲有我最钟意既面包布甸添，于是我每款都拎左少少返去试下
首先当然要食面包布甸，焗得岩岩好之余又重牛奶味，同时间唔会太甜，而是日蛋糕有tiramisu，充满咖啡既香味，反而酒味唔太出，小朋友都可以轻尝一下
食埋甜品之后真系好满足，食到劲饱！！
张贴
