影片
更多
2020-11-13
1972 浏览
餐厅灯光昏黄，播住Lemon Tree及Big Big World等老旧英文歌，更有不少猫猫嘅装饰及摆设，我估老板应该系猫痴😆🍽香草意式烤原条牛面肉（$258）一般西餐厅嘅set dinner普遍只有steak或饭面类可拣，但呢度竟然仲有牛面肉及Seafood Platter，选择性都几多👍🏻牛面肉口感有啲似牛腩，炆得够腍又入味，味道唔错，腍到连老人家都肯定食到👍🏻配菜种类都有几款，而且更有我钟意嘅秋葵，抵赞👍🏻🍽英式炸原条海炉鱼柳薯条伴他他酱（$138+$30升级套餐）鱼柳表面嘅脆浆炸得劲香脆，鱼肉嫩滑之余又啖啖肉，真系名副其实嘅外脆内嫩🤤薯条同鱼柳一样都系新鲜热辣即炸，餐厅亦毫不吝啬咁俾咗劲多他他酱，炸物配他他酱一齐食，真系香口惹味😋🥗沙律（套餐包括）沙律都几新鲜，加咗红腰豆及芝麻酱一齐食都几清新开胃😋🥣餐汤（套餐包括）餐包有2款，而餐汤系粟米忌廉汤，口感较稠，感觉似罐头汤，味道只属一般！☕️饮品（套餐包括）热咖啡唔错，味道几香浓😋热朱古力卖相都几吸引，面层有cream外，仲有一支朱古力百力滋点缀😋朱古力味道略为甜咗少少，所以我自行加咗少少热水沟淡😆🍰甜品（套餐包括）甜品系士多啤梨蛋
🍽香草意式烤原条牛面肉（$258）
一般西餐厅嘅set dinner普遍只有steak或饭面类可拣，但呢度竟然仲有牛面肉及Seafood Platter，选择性都几多👍🏻
牛面肉口感有啲似牛腩，炆得够腍又入味，味道唔错，腍到连老人家都肯定食到👍🏻配菜种类都有几款，而且更有我钟意嘅秋葵，抵赞👍🏻
🍽英式炸原条海炉鱼柳薯条伴他他酱（$138+$30升级套餐）
鱼柳表面嘅脆浆炸得劲香脆，鱼肉嫩滑之余又啖啖肉，真系名副其实嘅外脆内嫩🤤薯条同鱼柳一样都系新鲜热辣即炸，餐厅亦毫不吝啬咁俾咗劲多他他酱，炸物配他他酱一齐食，真系香口惹味😋
🥗沙律（套餐包括）
沙律都几新鲜，加咗红腰豆及芝麻酱一齐食都几清新开胃😋
🥣餐汤（套餐包括）
餐包有2款，而餐汤系粟米忌廉汤，口感较稠，感觉似罐头汤，味道只属一般！
☕️饮品（套餐包括）
热咖啡唔错，味道几香浓😋
热朱古力卖相都几吸引，面层有cream外，仲有一支朱古力百力滋点缀😋朱古力味道略为甜咗少少，所以我自行加咗少少热水沟淡😆
🍰甜品（套餐包括）
甜品系士多啤梨蛋糕，蛋糕几松软，士多啤梨味亦好突出，都几好食😋
总括来讲，整体食物味道不错，份量又多又抵食，性价比高，值得回头👍🏻
张贴
