Plato Cafe & Bistro (吳松街)

经过见到7 点已经full house 🤣睇一睇个餐牌见到d set 都几抵！所以就入咗去叫咗个二人试一试。 芒果大虾酥盒伴沙律摆盘靓靓的，酥皮盒非常脆仲系热辣辣唔会林左！大虾用咗蒜蓉焗再配合埋芒果肉 ， 几开胃！西班牙海鲜饭 推介上边有好多唔同嘅海鲜，鱿鱼青口大虾都好新鲜！意大利饭软硬适中，个酱汁好特别有少少蕃茄粒嘅酸味，又有海鲜嘅鲜味。仲要焗到个饭嘅湿度啱啱好！ 烧羊架五成熟啱啱好，落咗少少盐少少香草 小小羊臊味好香。 而且羊肉好林，油脂味好岀！ 里面仲有一个锡纸包焗薯仔。薯仔似系烚过再焗，所以里面唔会好干身！焗一焗出边有啲脆身，再配合埋佢嘅沙律酱，食落去个味道好夹。 竹碳麻薯千层酥盒子配雪糕 特色第一次食呢一个甜品，千层酥中间夹杂着麻糬，咬落去脆身又黏黏好有咬口，令到个口感好有层次。冰果茶是日嘅冰果茶系菠萝底，好似平时出边嘅水果茶甘有啲果香味，又唔会太甜 ，几清新 。整体食物唔错，上菜都好快，性价比几高。