Chapter 3 Steak Bar & Restaurant (已結業)

约朋友食饭，谂住揾一间坐得舒服方便倾计嘅地方，见到呢间餐厅座位都几阔落，几有情调，一于试吓。点咗二人套餐，性价比都几高，仲可以以半价点鸡尾酒两杯。 龙虾海鲜忌廉汤忌廉汤浓而不咸，龙虾味唔腥。汤入面有鱿鱼粒同龙虾肉，都几足料。 鹅肝多士鹅肝油脂香味重，加咗黑醋，酸味降低油腻感，唔错。 水牛城鸡翼几惹味，唔会太辣，少少酱汁裹住鸡翼，仲保留咗少少香脆嘅口感。 炭烤澳洲安格斯肉眼扒点咗七成熟，熟度正确。肉眼扒腍甜，带炭烧香味。 龙虾汁大虾海鲜炖饭海鲜份量都几多，有大虾、青口、蚬肉同鱿鱼，每一啖都食到海鲜同饭。炖饭处理得唔错，唔会好腻口。 紫薯鲜奶有淡淡嘅紫薯味，都几甜，唔算太稠，饮落好顺口。 杂莓比利时铁锅松饼蛋味好重，合桃香脆，杂莓酸酸甜甜。新鲜焗起嘅松饼热辣辣，加埋冰冻嘅雪糕，增加口感层次。