Nathanhouse (已結業)

早排有朋友推介呢间位于山林道嘅餐厅，于是就趁weekend带屋企人嚟试下lunch，我地坐窗边位置，枱与枱之间位置阔落，坐得安心又舒适。呢度嘅lunch set价钱相当合理，每个餐都包沙律/餐汤、餐包同餐饮。水牛芝士番茄沙律我首先拣左要沙律，卖相精致得令我有啲意外，新鲜嘅车厘茄脆口清甜，加上水牛芝士同火箭菜绝配。餐包几款不同口味嘅餐包配上香草牛油，少至餐包都见到餐厅嘅诚意。香草脆包糠焗比目鱼伴薯蓉泡沫比目鱼嘅油香味重，口感嫩滑，加上面层焗成金黄色嘅面包糠令卖相更吸引同食落更惹味，另外特别一提系个薯蓉泡沫，薯蓉就食得多，变成泡沫就真系未食过！口感似食紧cappuccino上面层奶泡咁，但薯仔味依旧好浓，感觉新奇特别！焗猪扒饭呢个焗猪扒饭都做得相当出色，酱汁唔会好似出面连锁餐厅咁杰挞挞一pat，蕃茄汁酸酸甜甜咁又扣住啲炒饭粒，而且猪扒嘅份量都几多，系真材实料嘅焗猪扒饭！蟹肉虾饼迷你汉堡包呢个迷你汉堡卖相可爱，估唔到个炸蟹肉虾饼十分鲜味，相当足料食落啖啖蟹味，系个意外惊喜。