令和鍋物酒場

营业中

休息中

經過彌敦道被大大個招牌寫住令和所吸引，一於入去食晚餐，餐廳店面以至店內超級滿的日本風格， 令人置身日本一樣，食物有好多選擇，有刺身、爐端燒、燒物、炸物等，店員推介令和二人前，睇落相當豐富。富士山火焰脆脆薯仔沙律，香滑薯蓉混入肉粒，上面加上胡麻醬再配脆薯片，口感獨特。三品刺身加和牛海膽反卷，刺身新鮮鮮甜，反卷和牛海膽吞拿魚蓉配搭真係超級正。壽喜燒鍋配上野菜豆腐籃，蔬菜新鮮豆腐嫩滑，A4和牛有4大片，份量唔細，和牛油脂都好豐富，好重油香肉味亦濃。芝麻雞翼同燒芝士年糕都好食，我地仲叫兩杯梳打飲品，巨峰提子乳酸同青蘋果乳酸，真係調得唔錯，絕對有驚喜。令和二人前套餐的確係高質而豐富，性價比高。