越一越南牛肉粉專門店 (已結業)

去左黄大仙探朋友，发觉原来凤凰新村好多野食，朋友就推介越一越南牛肉粉，话价钱抵， 食物质素好同大大份， 性价比好高。 呢道环境好光猛阔落，我地叫左个2人软壳蟹套餐。 原价$248已经好抵食，仲要禁岩7周年仲有85折优惠。 份量系3人食都够食😆。越式牛油软壳蟹，黎到哗左声，估唔到2人份量咁大份，软壳蟹口感酥脆，牛油味香浓，蟹肉鲜甜鲜嫩，真正外脆内嫩。值得一试！酸辣无骨凤爪：无骨凤爪食时好方便😆 酸酸甜甜好开胃，芹菜味好重，好食。上汤萝卜食完炸物，清甜萝卜可以去腻👍🏻分别叫左生牛肉河粉同牛油蒜蓉鸡翼河粉🍜生牛上菜时色泽吸引，薄切食落肉质鲜嫩，而鸡翼外酥内嫩，河粉汤底好清甜，配料丰富，有齐新鲜豆芽、香菜、薄荷叶、生洋葱等，好丰富。