漁粉 (已結業)

最近发现旺角百宝利开咗一间火锅店，主打火锅任食，价钱都合理，最重要系有得食酸菜鱼/水煮鱼，又或者钟意食鸡煲可以拣鸡煲。入到去之后已经见到琳琅满目嘅饮品超过10几款，同埋阿波罗雪糕甜品！即刻心心眼！仲有超过20款配料，可以自助领取。乜都想食嘅我哋就拣咗A+B+C，落单嘅配料全部可以叫坐低之后我哋首先拣咗酸菜鱼，里面𠮶啲系鲈鱼，感觉都几滑。同埋佢个酸辣香味好吸引，如果钟意亦都可以再添加鲈鱼（套餐B ）A 沙白、鸭红、萝卜、莴笋B 鹅肠、竹笙、手打墨鱼滑C 特级安格斯肥牛、羊肉片、带子、墨鱼叫得最高级餐（C）梗系叫多啲高质素安格斯肥牛，花纹适中，都几好食！可以无限encore！羊肉片薄薄地，但系都几大片，好香嘅酥味～ 仲有带子好弹性，墨鱼亦都够新鲜。亦都包埋可以叫到其他套餐（A+B）嘅嘢鹅肠口感爽脆，仲有好吸汤嘅竹笙，手打墨鱼滑亦非常弹牙！另外沙白里面冇沙，鸭红口感弹滑，仲可以系咁加啲吸汤嘅萝卜同埋莴笋～～最紧要就系过程中可以拣唔同嘅罐装饮品，完咗之后我哋仲食埋啲阿波罗雪糕雪条，推介雪条！雪糕其实都唔错，唔系周围都食到㗎。