釜之魂釜飯專門店 (淘大商場) (已結業)

一段时间无黎牛头角淘大，发觉好多店舖食肆都改变咗，但好在除左有大型连锁餐厅外，仍保留有一些特式小店。今日想食饭(饭桶的我)，就拉老公试下呢间釜饭店叫左个烧牛肉釜饭，虽然等得有啲耐，但牛粒绝对有惊喜，牛粒厚切而且份量充足，咬落好多汁而有肉味，食得出系用新鲜靓牛肉，饭热辣辣加上烧汁好好味，$58绝对性价比超高另外仲叫左几个小食，老公最欣赏系烧牛舌， 几大块都唔韧，即烧食落仲系辣口苦瓜饺子都好特别，饺子皮有淡淡苦瓜味易入口 ，同埋猪肉馅料加咗菜粒，食落几清新松露玉子烧同埋蜜糖番薯都系即叫即整，味道吾错最后叫左个花生酱麻薯做甜品， 麻薯烧过所以外脆内软， 好好味 唯独系淋在上面的花生酱比较干身。埋单只系二百几蚊，两个人食到饱饱仲要有呢个质素，绝对"食"有所值。