籠太子點心專門店 (已結業)

同朋友去咗铜锣湾食饭，好想食点心，见到呢间点心专门店嘅装修好似几靓，于是就入去试啦！呢间点心店嘅价钱都唔算十分贵，我哋最后埋单每人都唔使$100。喺铜锣湾来讲都算非常抵食。我哋叫咗一啲传统点心，有叫咗一啲呢间点心店独有嘅点心。上菜嘅速度都好快，我哋攞咗单之后10分钟都唔使就到啦。呢间点心店全部都系即叫即蒸， 十分新鲜，另外点心质素都非常之高。特别一提嘅就系佢哋啲甜品好有创意，呢个一口嘅芒果布甸，同平时出边茶楼嘅非常唔同，细细地，食得太饱都仲食得落！另外仲有呢个椰汁桂花糕，无论卖相同味道都非常好。