吟

营业中

休息中

性价比高铁板烧😋复活节食留港消费食好啲！晚饭时间选择咗餐厅嘅厨师发板。九款时令海鲜，其中一款系立鳞烧配酸菜鱼汁，创意到十足，鱼肉嫩鳞脆，配上酸味麻味，个人非常喜欢👍另外几款时令海鲜当中，比较欣赏生蚝、烧鱼配鱼蓉粥、蟹黄羹。生蚝新鲜冇得输，鱼蓉粥有香浓嘅鱼味、蟹黄羹有浓郁嘅蟹味，食到一嚿嚿蟹膏非常鲜甜😋主食选择做A5和牛，厨师俾我哋选择要瘦啲定系肥啲，我拣咗肥啲。可能上一道菜已经食咗鹅肝多士，令我觉得嚿牛肉太油腻，但师傅做得好好，我要medium，佢煮出嚟个中心位置仲系粉红色。建议怕油腻嘅朋友下次选择小肥。如果想食环境，呢间未必啱，但系气氛十足，厨师同食客打成一遍。