Running 燒 (已結業)

今晚约友人咁啱谂起好耐冇食过韩国嘢，于是上网周围找找有什么韩国嘢好吃，找到了这间，二百几蚊每位包埋饮品任饮，有埋海鲜嘅选择，韩国野黎讲真系算系几实惠。位置又高，之前泥过同一幢，个景都唔错，于是就去咗𠮶度食饭。一坐低佢都系依旧会有啲小食，泡菜好好食，仲可以添。而佢起码都会有四五张纸list唔同分类嘅食物,因为佢每件嘅食物份量唔多,咁样就可以试晒全部嘅食物，基本上每一种食物都食齐晒。先讲肉类，佢啲肉质真系唔错，而且很多选择，系可以分别食佢唔同嘅部位嘅猪肉同牛肉~佢嘅牛舌都系香爽可口~海鲜方面佢分别有扇贝，蚝和带子。加埋佢配嘅蒜蓉酱拎去烧，风味十足~我最钟意食嘅系扇贝、猪大肠同埋五花肉!另外我都有个重点推介，就系水冷面。本身食完烧嘅嘢有啲腻，之后就叫咗一碗水冷面。一食落去酸甜同冻冻地，可以去油腻同埋你会想食多几碗~加上用冰镇，长期都可以keep住个种冰凉嘅感觉。So far呢间店佢嘅性价比系几高，三五知己如果聚会嘅话都可以选择呢间店，因为佢啲炉都几密集，即使系两个人都好啱食~p.s. 间店系要用萝卜去自洁镬，个人觉得其实可以接受，而且又环保。