Olive Cafe (已結業)

今晚家庭聚餐，去左大埔既olive café食，贪佢够方便，可以食饱顺便行街。一嚟到必点左炸薯条配黑松露蛋黄酱，佢呢个酱汁真系好好食！好想问佢有无斋买呢个酱。食过番寻味。前菜系香煎芝麻吞拿鱼配香芒沙沙，原本以为会好腥，唔敢食，但点知系好香浓，一咬落去，好香芝麻，同吞拿鱼原来好夹，非常好吃！纽西兰西冷牛扒（8安士）配青胡椒汁，叫左7成熟，岩岩好，厚切牛排好juicy，牛味香浓，入口即融。龙虾意大利饭又系性价比超高之选，估唔到系原只龙虾咁上，好惊喜！同埋佢系用意大利米煮，有口感！坚！最后我地最叫左两个蛋糕share嚟食，叫左培茶芝士蛋糕同日式柚子芝士蛋糕，解腻必拣。