三公台灣料理 (已結業)

今日喺旺角shopping,望到对面有间楼上铺系食台湾野，睇睇餐牌，价钱合理，有2人餐都几抵食，入面d座位都几宽，坐得都舒服，所以入去试吓。我地见2人餐好抵食，又有2个饭／面，小食，甜品同2杯台式饮品，所以唔使谂就叫呢个餐。香酥排骨卤肉拌面，块猪排真系好巨型，炸到非常松脆，食落唔会好鞋，都够晒淋，而个拌面充满晒卤水汁味，同够晒弹牙，上面仲有好多配菜，唔会净系食肉咁单调。香脆盐酥鸡卤肉拌饭，鸡嘅份量都几多，粒粒都炸到劲脆卜卜，食落好juicy,d卤肉都非常好味，送饭一流。甘梅地瓜条，炸到脆卜卜热辣辣，上面铺满甘梅粉，所以食落口感首先系有少少酸酸地，入面地瓜甜甜地，好好袋。柠檬白玉爱玉＆黑蜜粉粿，见到呢碗甜品已经透心凉，粒粒爱玉都精营通透，佢地仲跟咗一杯仔热情果汁比我地淋上去食，所以食落酸酸地劲开胃。椒麻拼盘分别有金钱肚，牛舌，大肠，一上枱麻辣味劲香，食落口不但有卤水味仲有麻辣味，仲有d金钱肚，牛舌同大肠炆到好淋，几好食。柠檬浓乳爱玉菓子，杯野饮奶白色，好仙气，饮落甜甜酸酸。蜜桃苿莉爱玉菓子，饮落好清新，蜜桃味好重，仲要入面有新鲜蜜桃果肉。