The FOOD FACTORY (已結業)

前几日听朋友讲旺角有间新开无耐既餐厅，今日即刻同朋友去试，去之前都睇过下食物同餐牌𠮶啲，一睇餐牌忍唔住讲左句，哗！唔系挂咁抵既！之后即刻预约左5点钟，一到门口，已经有侍应招待我地，好快就坐低左，再望一望餐牌，发现有行细字，写住lunch set 2:30后入座全单8折，仲平左！咁就即刻叫野食先。我地2个人叫左2个lunch set同埋1个tea set，分别系L1-纽西兰牛肉眼扒，L12-蜜糖芥末烟肉安格斯牛肉汉堡，T2-蜜汁烤鸡翼牛肉眼扒有得跟饭、意粉或薯菜 ，味道仲相当唔错，相当之有牛味又烧得唔老唔会话无哂啲肉汁，佢既黑椒汁都唔会盖过左牛既味！而个汉堡亦都相当之唔错，佢完全拍不想外边专卖汉堡嘅铺头，煎香完既牛肉啲肉汁冇流失到，啲蔬菜嘅配搭都非常之足够，唔会令到个包好油腻。呢两个lunch set系2:30后依个时段，竟然$50都唔洗，实在太抵啦！可惜在于个蜜糖烧鸡翼，可能佢煮嘅时候太过火有啲鞋，不过价钱都唔系好贵，过得去啦依个。总括而言，如果净系计呢两个lunch set嘅话就真系满分啦，系个烧鸡翼扣左少少分，不过性价比都系非常之高嘅。