真鮨 (已結業)

今次发达啦…又俾我揾到间好野又低又新鲜又好味仲系最爱嘅小店经营。一嚟就食个前菜日本长石生蚝$98就有3旧生蚝卖相靓之外入口creamy厨师系个蚝面放咗少少酸姜味道夹到爆，之后就叫咗几款寿司，件件寿司都系高质。先嚟件生尾鱼寿司其实系每条鱼嘅尾部切出嚟，三文鱼腩简直系 perfect脂肪比例刚刚好入口即溶，章红鱼寿司又系新鲜到爆，三文鱼子寿司D鱼子系爆满咬落口都系脆卜卜，墨鱼寿司中间夹住个紫苏叶一齐咬落去味道更出色，之后到北海道海胆寿司饭少少海胆多多，一啖咬落去简直令讲唔到野甜到不得了，再叫多个海胆大板卷一块紫菜上面放上簿簿嘅饭加上吞拿鱼溶及满满嘅海胆，自己卷埋一齐食一啖咬落去满满嘅吞拿鱼同海胆简直系爆泻。再叫咗一个甲罗烧同烧帆立贝，依两个系我最爱甲罗烧系蟹膏，蟹肉，蟹子再加埋鹌鹑蛋捞埋一齐嚟烧，食落口个蟹膏味够香浓攞到配饭正到爆，个烧帆立贝又系可食到爆，最后多份天妇罗并盆又系高质量个软壳蟹咬落去系juicy又甜，个虾，日本薯，南瓜样样都好好味最紧要个天妇罗粉酱系簿簿的，边食边觉得自己去咗日本食嘢咁。