漁屋日本料理 (已結業)

买咗飞夜晚睇寒战，衬早啲揾嘢食先，行过见到呢间渔屋，原来系食放题嘅，朋友见话有松叶蟹想食，都真系少见嘅，不过walkin唔知有冇位，原来有人取消咗booking，咁啱有位俾我哋，lucky。一入座已有蟹剪同蟹醋ready咗，一定要叫蟹喇。刺身都几多选择，除咗啲大路嘢，仲有玻璃虾，赤贝，花螺，带子呢啲罕见嘢，啲蟹唔差嘅，肉唔算多同厚，但限时真系好难食蟹，食得蟹嚟又食唔切其他嘢，所以系试咗一round，花螺就细细粒，一般喇，宁愿食螺肉。大推玻璃虾，正过蟹，肉质爽，鲜甜唔腥，食咗起码廿只，大件夹抵食，赤贝超爽甜，10个正。寿司都正，有火焰寿司，整得出嚟都靓仔唔系hea，烧和牛寿司，牛肉都有少少入口即溶，唔系话常见。料理推介金菇牛肉卷，肥牛唔会死得个肥字，金菇唔痴牙。烧物炸物种类好多，但试唔晒啰，好似芝士焗蚝，铁板九菜，羊架，炒蚬都唔错。 饮品方面都系无限任饮，汽水就skip喇，估唔到有asashi啤酒，啱晒我个酒鬼fd。我，就饮乌龙茶喇。落单后上枱好快手，员工冇西面，值得支持呀喂。喺正商场入面，都算方便，不过我又唔系成日去荃湾。