海魂燒 (已結業)

来到天后就试试一个掋食的二人餐，有八道菜之余又包餐饮，在闹市里确实难道。星期六好爆，好热闹呀。餐饮我们选了菠萝汁和白酒。菠萝汁推介，白酒就麻麻了。蕃茄汤餐汤味道好稀好淡。芒果牛油果沙律呢个够 Fresh 够多芒果，可惜牛油果打成酱，如果加埋 diced 嘅牛油果，就更有口感。特式炸拼盘有鸡软骨碎、单骨鸡翼同天妇罗虾。炸得唔错，又唔觉粉浆太厚太实。金菇牛肉卷呢个点整都好食，二人俾三旧，真系够宽佬呀～芝士烧原只波士顿大龙虾哇呢个简直系打卡首选喇，龙虾肉够鲜甜弹牙，上面仲有层芝士，芝士上面仲放埋粒粒蟹籽，真系极邪恶，但又好好味。盐烧荀壳皇唔觉仲以为自己系泰式餐厅，荀壳皇真系比一般鱼更鲜嫩滑漏，配埋酸辣汁同柠檬好开胃。野菜汤乌冬呢个有啲失望了，我平时食开弹牙嘅稻庭乌冬，但呢个真系太腍，完全无嚼感。甜品烧汤丸呢个好特别，系即叫即烧嘅。所以好热，好易辣亲嘴。口感够烟韧，入面热辣辣嘅黑芝麻酱爆岀嚟咁净。