嚐味館 (已結業)

今日赶时间咁啱经过就买咗个肉燥鸡扒饭本身谂住医肚就算，点知有惊喜。肉燥送饭一流，不过同平时岀面食开好浓味嘅唔同，呢个系啱啱好，唔会好肥腻之余仲有啲香料嘅香味。除咗平时啲香料味，食落好似有啲香茅定子姜之类，带轻微酸味，食落更开胃。鸡扒都有惊喜，本身以为会系好普通一块无味急冻鸡扒，点知好香香茅味，虽然系炸嘅都无话好肥或者有阵油味最中意系只流心蛋，真系流心蛋黄，不过因为其他嘢比较浓啲，变咗食落只蛋就淡咗少少，下次应该食咗蛋先。不过都食到有阵香味嘅。整体配搭都几唔错，份量都颇多，女士可以两个人share，男士都够饱肚。呢个价钱，铜锣湾嚟讲性价比高，有惊喜。