影片
更多
2018-06-01
613 浏览
前排去铜锣湾睇戏前，系皇室堡试咗间唔错嘅意式餐厅。个人觉得价钱化算之余，而且味道上绝对唔逊色，可以话系性价比高，绝对令你意想不到地觉得「又唔错啵」。本来店内系有Dinner Set选择，但由于我地都想试唔同嘅小食同饮品，所以就决定散叫夹份食。没有前菜地直入主菜：我地分别柯打咗一份细嘅黄金四重芝士披萨、烟肉杂菇蕃茄忌廉意粉同一份炸原条白身鱼配薯角。最先到嘅系饮品，我地叫咗一杯细嘅西班牙白鸡尾酒同草莓桃沙冰。由于杯鸡尾酒份量颇细，所以后期再多叫咗杯鲜水果茶。个人特别推荐草莓桃沙冰，唔只卖相靓，味道都调配得好浓，饮得出草莓被打成沙沙嘅口感，而且草莓之中带有桃嘅味道，鲜果甜而带微酸且清凉透心，口味非常适合大众，大推荐。由于水果茶无酒精，所以我都小酌咗一杯，以容器去比较价钱，唔贵而且比起饮水更Fresh。其间意粉到达，虽然视觉上个蕃茄忌廉汁好稀，但味道系喜出望外地好食！一般忌廉汁会予人食得多会溜嘅印象，但估唔到佢加入蕃茄后，会有种相辅相成嘅作用，平平淡淡中有一点酸跳出。令人有种食唔停嘅效果，再配搭去边都夹嘅烟肉杂菇，整体非常唔错。承接住，先泥一个细芝士披萨，估唔到都系比想像中好食！食得出新鲜出炉
本来店内系有Dinner Set选择，但由于我地都想试唔同嘅小食同饮品，所以就决定散叫夹份食。没有前菜地直入主菜：我地分别柯打咗一份细嘅黄金四重芝士披萨、烟肉杂菇蕃茄忌廉意粉同一份炸原条白身鱼配薯角。
最先到嘅系饮品，我地叫咗一杯细嘅西班牙白鸡尾酒同草莓桃沙冰。由于杯鸡尾酒份量颇细，所以后期再多叫咗杯鲜水果茶。个人特别推荐草莓桃沙冰，唔只卖相靓，味道都调配得好浓，饮得出草莓被打成沙沙嘅口感，而且草莓之中带有桃嘅味道，鲜果甜而带微酸且清凉透心，口味非常适合大众，大推荐。由于水果茶无酒精，所以我都小酌咗一杯，以容器去比较价钱，唔贵而且比起饮水更Fresh。
其间意粉到达，虽然视觉上个蕃茄忌廉汁好稀，但味道系喜出望外地好食！一般忌廉汁会予人食得多会溜嘅印象，但估唔到佢加入蕃茄后，会有种相辅相成嘅作用，平平淡淡中有一点酸跳出。令人有种食唔停嘅效果，再配搭去边都夹嘅烟肉杂菇，整体非常唔错。
承接住，先泥一个细芝士披萨，估唔到都系比想像中好食！食得出新鲜出炉够热够脆。而个人系披萨口味嘅选择上系比较偏爱芝士味，因为可以好集中地食出芝士香味同口感，简简单单已经好足够。跟餐配有一份蜜糖，间唔中点蘸些少，更可以令到单一嘅口味中奏起变化，不俗。
一浪接一浪，连炸鱼薯角都到齐了！卖相似模似样，连水准都系预期之上。炸鱼除咗够脆，而且火喉适中，保持到鱼身嫩滑嘅口感，但切开亦不会令佢散开，呢个价钱配呢个质量真系十分难得。如果怕斋食太干，仲可以点下个蜜糖芥未酱，呢种食法都非常速配，岩哂钟意甜口味嘅朋友！
最后为咗完满作结呢一餐，叫咗一个比较开心嘅朱古力芭菲。最顶以朱古力、牛奶雪糕球打头阵；中层分别系浓浓嘅朱古力、牛奶布甸；最低则系粟米片铺底。食完马上连遗失咗嘅少女心同童真都番哂泥。自行想象以上嘅结合物甜品，的确可能会有啲太甜，但携童嘅朋友不妨可以试下，因为系真心唔错。
总结，整体真系觉得性价比高。成日听回流返港嘅朋友话系香港食意大利野会出事，但我觉得呢间餐厅绝对可以平反一下。非常推荐比一家大细或朋友聚会嘅意大利菜餐厅。
张贴
