名代宇奈備長炭燒鰻魚飯專門店 (東港城) (已結業)

之前去大阪嘅时候食过一次呢一间鳗鱼饭店，𠮶时仲好记得啲鳗鱼喺入口即溶，真系超级好食😋所以呢一间鳗鱼店喺香港开咗之后，我都即刻去咗试，虽然个味道唔够系日本嘅时候咁好食，但系喺香港可以食到嘅鳗鱼饭里面已经算系首屈一指👍🏻我自己就已经黎食过两次，第一次嗌左特上，点知因为份量太多，所以食唔晒，结果第二次就只系叫咗上，个份量就啱啱好啦！所以建议女仔嘅话其实唔使嗌份量咁大既特上。🎈鳗鱼重 特上🎈鳗鱼重 上两款其实只系喺分量上面有分别，两个嘅鳗鱼都系差唔多味道，佢嘅鳗鱼系即刻烧嘅，啱啱上枱嘅时候好香，佢嘅鱼肉比较霖，好容易咬，加埋本身嘅鳗鱼汁，用嚟送饭真系一流😆🎈薯仔芝士年糕呢个薯仔芝士年糕外脆内软，里面嘅芝士非常多，食落甜甜地，真系几好食😋总括来讲，喺香港嘅鳗鱼饭店里面，呢一间都真系我心目中嘅首选，性价比相当高。