圍威喂 (荃灣廣場) (已結業)

同朋友去完南丰纱厂之后，去咗好近嘅荃湾广场揾咗呢间新颖啲嘅餐厅，入边多数系食泰国菜。我哋大概两点去到餐厅，当时都有唔少人食紧，我哋就叫咗一人一个lunch set，好抵食，五十零蚊有小食有主食又有饮品。首先就系嚟咗啲前菜小食先啦，青瓜沙律好清新好爽口，好开胃！而且份量都唔少㖞。之后朋友叫咗呢个虾油炒饭，淡淡的油香，入边仲有猪颈肉。好足料，亦都系好大碟，两个人觉得食唔晒。冬阴功单骨鸡翼个脆皮炸得好脆，点埋佢个冬阴功酱，好香口，好够味。最重点推介嘅系呢一个鸡肉沙嗲！！啲鸡肉超级嫩滑，我同朋友一食完都对望左对方一下，因为真系好好食😆金边粉系我多数去泰国餐厅必选！呢一间都做得唔错，亦都有三种配料俾我哋自己放，几细心。