新華苑酒家

营业中

休息中

行开旺角，又系同老公撑枱脚既时候喇。今日我地选择左新华苑既蒸气火镐。好幸运既系我地比较早去，所以有幸可以坐到car位尼度既蒸气火㶽首先可以自选4款，我地选择左桶蚝，鲍鱼，圣子王，元贝。桶蚝好似手掌甘大，啖啖肉，分开2啖都未咬哂新鲜有蚝味。鲍鱼好新鲜，蒸得岩岩好，非常弹牙，元贝同圣子王都蒸等恰到好处，而且上面有少少蒜蓉粉丝，好香。新鲜既海鲜果然用蒸既方式最好，原汁原味另外，会奉送乳鸽同大蚬，亦有多款食材选择。不得不推介佢地个乳鸽，都系一试难忘，刚刚炸好，咬洛去，外面脆，入面多汁，而且连骨都差不多可以食埋。推介推介（要不停系甘讲）此外，多款食材都唔错，特别推介手打虾丸。弹牙，有虾味，一定要试。（如果大家去拎酱料，记得试下个xo酱，点食物更加一流）仲有，大家记住唔好食到太饱，忘记左主角，就系个粥喇，佢地有3款粥底选择，我地选择左摇柱准生养生粥，刚才海鲜既精华都集中系入面，粥亦煲到非常绵，清而带点鲜香味。虽然好饱，都食左2碗另外，尼度任饮既饮品包括啤酒，当中包括朝日钟意饮啤酒既朋友更加性价比高。每位都系300蚊炸食完就满足甘抱住个肚番去喇。满足的一餐。