定食8 (已結業)

上年经过呢间🎌日式餐厅，因为荃湾街坊话呢度抵食夹大份，但系因为𠮶阵时嘅模式系限时，唔钟意时间咁仓卒，所以一直都未有机会试。最近有人同我讲佢转咗新嘅餐单，所以唔限时，快餐模式咁，自己出去斟水，食物款式选择多，价钱平，仲可以按个人需要转配套餐或者加配小食。隔离枱啲食客份量唔算太大，我们一行三人就谂住要3个餐再加小食，点知小食实在太经济，所以我哋就叫多咗几款，最后搞到饱住咁走。🌟食物质素不过不失，以咁嘅价钱嚟讲真系好满意。欣赏佢个天妇罗，只系18蚊，有六至七件，虽然蔬菜嘅成本唔贵，但系呢份天妇罗都可以反映到餐厅绝对唔系求其。唔厚嘅炸粉够香脆，蔬菜又新鲜，仲有秋葵 👍另外叫咗一个饭同乌冬，简单嘅形容系，佢比吉野家更加好食😂 咖哩饭用上咗日式甜咖哩，唔会多汁到泛滥，亦都唔会唔足够。乌冬软硬度适中，唔会过淋，亦都唔会硬。配料充足，最钟意佢只糖心蛋，微甜之余蛋黄亦都半流心👍