炎舞家 (已結業)

店面企理干净，员工都勤收碟，食物方面我觉得佢哋相当大方，有目拔鱼，油甘鱼和鲭鱼，上台时相当大份（有图😊）,炸物即叫即炸有我最爱日式忌廉薯饼和鱿鱼须当然唔错过（都有图🥰）,仲有烧烤方面海鲜类有虾，蚝，带子，青口，鱿鱼。而肉类都有质素，推介西冷牛，超好食。食食吓见对面枱入座点和牛餐，上牛时斋睇觉得相当正，下次一定要点和牛餐试吓。食放题好多人都唔会点主食，但我见好似好正都点咗海鲜乌冬，香葱紫菜饭和生姜烧饭，做得唔错几好食，不过略嫌香葱紫菜饭紫菜太少（可能牛角会比好多所以有所期待呱）。差D漏咗，甜品食咗个白桃雪糕，好大杯，超好食。