Up a Notch Homemade Pasta & Pizza

营业中

休息中

之前响D2 Place嘅时候已经食过几次，主打homemade pizza and pasta，嚟咗旺角开店梗系要试吓，呢度环境好特别，系cyber 工业风，旺角区有一个咁宽敞楼底高嘅用餐环境系好少有，而且店内装饰睇得出花咗好多心思，成幅墙嘅tv wall，劲多打咭位，唔好以为只系食环境，食物质素仲要系好高质，老板Raymond 介绍我哋食咗牛油果蟹肉塔，homemade 意粉同pizza，小食，沙律，因为挂住食唔记得影menu，所以唔记得个名，但全部都好好食，完全系食得出用好嘅食材去制作，但价钱又一啲都唔贵，真系好难得。饮品方面试咗几款mocktail ，系老板帮我哋拣，口味好清新，又唔会太甜，食物同饮品颜色摆盘好靓，系赏心悦目，同朋友一食就食咗三个钟，一路倾一路食，全程未停个口，再望下个大萤幕⋯⋯我以为自己去咗旅行，真心会再约朋友嚟聚会，好爽！