金龍冰室 (已結業)

同友人两个人极饿底，未到6点入座。见环境都好干净，又乜都有得食，就拿拿淋坐低。我地想食6点后先供应ge扒餐，但又未到6点就问问店员，佢地好好话可以点，帮我地写纸仔入厨房，太好了。友人叫左西冷牛扒配香草肠铁板，跟餐汤同饮品，拣左烧汁同薯菜。块扒有手掌咁大，份量好够，而且仲系有两块，好彩无拣配饭或意粉，否则一定食唔哂，香草肠几特别。牛肉好食唔un有咬口，粟米忌廉汤水准以上，粟米都够多！而我拣左传统英式早餐，岩哂女仔打卡包含左德国肠，薯饼，牛油多士等等各有特式，样样味道都恰到好处，系徳国肠比较咸，而罗宋汤足料味道偏酸，成个食完好满足好饱。但点知原来仲跟个水果薯仔沙津，但真的吃不下了。另外，点左个「小食」黑松露芝士杂菇西兰花($50)，呢个好惊喜，除左份量好多，味道上系每种食材都食得出，唔会话抢味，仲飘出阵阵黑松露香味，但西兰花略嫌太大件，一件要切开先岩女仔个口。要赞阿华田，甜度刚好，底无多余粉，冰溶左都好饮。