Riso SEGRETO (已結業)

泊好部车，原本打算去 Mikiki 食西班牙菜，不过太贵，结果落咗 Riso Segreto 开餐.望望个餐牌，楼上卖紧一百五十几蚊嘅意大利粉，Riso Segreto 平一半，有咩办法唔帮衬呢？又睇睇价钱平一半的话，食物质素又点先？点咗个 set，有南瓜汤，田园蟹籽沙律，卡邦尼海鲜意式烩饭，夏威夷薄饼，甜品有意大利芝士蛋糕，另外加一个小食并盘。南瓜汤唔够浓郁，只可以话合格，田园沙律虽然沙律酱同蟹籽份量都略为不足，但D菜切得好幼细，令口感更好。小食并盘香肠略嫌硬身，洋葱圈外脆内软一流。卡邦尼海鲜意式烩饭望上去份量以为不足，又系视觉错误，食落份量不少，芡汁足够饭够黏，唔错！成个 set 最欣赏系薄饼，饼底好脆，芝士份量亦足够，薄饼 size 份量啱啱好，食得饱又唔会多出太多。第二欣赏系哩个甜品意大利芝士蛋糕，我一向好怕闻浓烈芝士味，乳酪味同牛奶味，自己亦唔饮牛奶，但眼前嘅芝士蛋糕，闻上去芝士味唔强，食落口有酒味，酒味将我唔中意嘅芝士味盖咗，所以哩个甜品，好啱自己口味！二百几蚊一个 set, 绝对性价比高！又平抵食又好味！只系冷气不足，Mikiki 做吓野啦唔该，管理费租金就识收！最后要讲