高興 (已結業)

观塘工厦cafe，街知巷闻，见到大家都post 啲咁靓嘅相同咁好评，当然想试试系咪真系咁好。一去到，呢度真系好有特色，令人有个好舒服嘅感觉。食左一大半，先记得无影相。吉列鱼沙律：鱼同菜都够鲜，鱼炸得够脆，里面好juicy，一日口已进溶，沙律系light dressing，食完唔会觉得有好heavy嘅感觉，好好！日式咖哩吉列蚝饭：蚝都系好鲜，炸得啱啱好，粉好薄，外脆内juicy，真系得𠮶几只系觉得唔够。 咖哩汁入口香，带甜，唔系咖哩粉嘅味道，推介拿破仑肉酱烩瑞典肉丸意大利粉：意大利粉al dente，软硬度刚刚好。肉丸唔硬，不过差啲啲味道。番茄汁底可以浓多小小，同埋唔系好够汁，但见到系有心之作不过整体黎讲，唔错。海鲜意大利饭：虾，带子全部都有牛油封过，仲要封得刚好，外面热，里面仲系juicy，饭嘅调味做得好好，well-balanced，唯一美中不足嘅系可以再收多小小水，湿左啲啲，同埋可以硬返啲啲。整体：员工好有礼貌，坐得好舒服，倾计好舒服，全部野食都好鲜，厨师煮食时间全部掌握得好好，高评，一定会再返去！