古月

营业中

休息中

今日到北角开完会，午饭时间地铁站附近乱行，见到个个行入条后巷咁古怪，我又跟住行入去原来入面好多野食，茶记西餐日本餐星马餐等等，左睇右睇，两间好多人排队，2选1拣左呢间，一人行，等左阵有位。叫左古滑鸡饭，再嗌左个特饮跟餐三色奶茶同九菜花。鸡饭：个汁好味加埋辣椒醋更加惹味，配油饭， 个底仲要有本人最爱既鸭舌 估佢唔到， 古惑鸡系咪咁意思?！奶茶：一问原来系马来西亚既椰糖，个甜好特别，茶味较港式浓，几夹菜就正常，配个咸咸甜甜豉油总结：埋单个鸡饭原来先48蚊，特饮加15蚊，港岛区呢个价位食呢个质素真系冇得输，平时食茶记都5，60蚊。唔怪得之咁多人。下星期睇下带埋屋企人过黎试多几样野。P.s. 临走先见到原来两年米芝莲推介，实至名归，仲支持听障就业，值得嘉许。