棋子燒鵝 (長沙灣道)

营业中

休息中

唔知点解耐唔耐就会想食烧味饭，经过呢间棋子烧鹅，都几多人叫外卖，于是就叫咗个二人餐堂食。叫咗一个例牌烧鹅同例牌烧肉，个饭可以转米粉或者赖粉，仲有两碗老火汤，同一碟上汤油菜。第一次食呢间个烧鹅，觉得好惊喜，真系有啲柴香，啲肉唔会好实好老，反而系好友鸭香，肉质亦都够滑，加上系烧鹅髀，啖啖肉。烧肉就份量都几多，而且肥瘦相称，个皮仲好脆，脆得来唔会un ，又唔会太咸。而当日嘅恼火例汤系青红萝卜鸡脚汤，大碗！足料！唔似味精汤！至于个菜同粉就不过不失，不过都要赞下份量几大，以呢个价钱来讲，性价比几高，好似外卖仲有优惠，唔怪得咁多人叫外卖了，啱晒而家冇堂食。