魔膳廚房 (已結業)

自从冇喺九龙东返工都少咗去观塘，因为𠮶边嘅人口密度真系太高啦，而且仲未比我揾到一个必去嘅理由😂apm人太多有排等位，工厦餐厅又太格摄，于是就openrice下系附近揾到间口碑不俗嘅餐厅。餐厅占地几大，所以夜晚八点几去到即刻可以入座。沙律吧任食，系比较大路嘅沙律菜、车厘茄、生果等，作为开胃前菜很不错啊！餐汤有杂菜汤加牛油面包，好有传统扒房嘅味道😌主菜叫左原只猪手配薯角，仲有自家制海胆汁海鲜意粉，二人同享，份量啱啱好🤟🏻猪手唔会太咸，size刚好，一人一只唔洗争😂肥瘦算合适，食落有咬口，连皮食有微微黑椒烟薰味，成个味道同口感都做得几好🥳意粉烹调得同样出色，唔好睇佢面头冇海胆就以为会淡而无味，其实个汁已经因为加左海胆汁而提鲜👍🏻海鲜配料都好阔佬，有蓝青口、蚬肉、鱿鱼等等..仲有只煎过嘅大虾添！真系唔野少㗎😎大餐后配埋两杯花茶，正好消除油腻嘅饱肚感。餐厅近近地铁站，不失为下次同九龙东嘅朋友饭聚好地方🙊