新森林焗之專門店 (已結業)

新森林既下午茶外卖其实好抵食！但今日我唔系介绍佢既下午餐，而系lunch （题外话）话说今早同老公谂住去铜锣湾Fashion Walk 到换免费美心月饼，因为身份证有60或18既双连数字就可以换，好幸运地有我份，所以谂住早半个钟去排阵队，点知一去到见到名额已满，听讲啲人排通宵（唔知真定假），真系为左盒月饼可以去到几尽？！天气甘热，要我排半个钟都系极限，所以知道冇哂，即走。铜锣湾早午餐真系冇咩好食，想食果啲又未开，最后决定返佐敦食，近返工。新森林呢间野啲野食水准都可以话系性价比较高既餐厅，以$40-$50，食个有质素扒餐又有野饮，的确唔错。以下图片已经食紧既时候影既，其实份量系多。大胃王扒餐：猪扒 、汉堡扒 、特色肠仔，肠仔里面有汁，唔系普通肠，好食！牛扒帆立贝配薯菜：牛扒好嫩，juicy!帆立贝已食左（不在图上）我觉得新森林啲野食以呢个价黎讲系唔错，佢啲食物相 poster 将贴店内，都影得好吸引，好光鲜，只是冇咩宣传。餐厅内环境比想像中旧。