大喜屋 (已結業)

如果食放题嘅话食得最多次嘅就系大喜屋，今次同朋友都系去食大喜屋，因为觉得食咁多次来讲呢间系餐厅性价比较高嘅放题。平日六点食嘅话，就系最优惠嘅时段，加埋一每个人都系$260左右，绝对系抵食之选！我都好钟意食佢嘅鱼生，叫咗好多款，刺身都系好厚切嘅，想讲今次佢嘅剑鱼腩、三文鱼、油甘鱼等等都十分之新鲜。我哋总共叫咗三次鱼生食🤣🤣对于钟意食鱼生嘅人来讲，大喜屋的确系一个唔错嘅选择，款式都算几多！之后仲食咗啲热食，我哋有雪花肥牛锅，肥牛加埋啲菜简直一流！仲叫咗好多好多唔同款式嘅嘢食，有寿司、手卷（海胆手卷必叫！）、串烧（甜番薯、牛舌、海虾、菠萝🍍）、天妇罗🍤、沙律、鸡翼、甜品等等，包罗万有。最后每人都会有一杯雪糕送，我地点左一杯期间限定，今次嘅期间限定系海盐雪糕🍦朋友话味道相当唔错，我觉得就越食越咸，味道好搞笑，但系好食嘅。