Chez Bistro (已結業)

圣诞节前夕去咗间优质西餐厅食饭，价钱相宜，食物有质素，推介一下。前菜我叫咗个白酒煮青口，估唔到前菜都咁大碟，一个人份量，但够两个人食。白酒汁清香，配上烟肉嘅浓烈烟熏味，系正嘅！主菜叫咗个澳洲M7和牛肉眼扒，虽然澳洲和牛唔及日本和牛油脂咁丰富，但牛肉味一d都唔输蚀，而且无咁油腻。牛扒系炭烧嘅关系，所以外层比较干身，但内层肉质一样嫩滑。五成熟，保留肉汁更多。虽然gravy 汁唔多，但其实根本唔需要酱汁都好好食。我个人就钟意加少少法式芥辣，少少甜，增加牛肉味道层次。最后甜品亦做得好，apple crumble 外层松脆，入面嘅苹果又唔会太甜，非常满意！