德家日式燒肉店 (已結業)

上星期疫情仲未再次爆发，夜晚上到去都有好多人等位，所以都系建议book左枱先。价钱有几个选择，我拣咗最平$198 +1 ，限时两小时。环境方面，我坐嘅系卡位，非常宽敞，如果系普通四人枱嘅话可能就冇咁舒服。食烧肉除咗要好食之外最紧要就系抽风得唔得，呢度都算唔错，起码唔会觉得唔舒服。服务方面，店员都有礼亲切，会慢慢介绍有边几个套餐可以拣。食物方面，选择比较少，但系质素唔错，绝对对得住呢个价钱。个人推介牛舌，牛肋肉，猪颈肉。👍🏻👍🏻餐后每人一杯雪糕🍦另外出边都会有几款甜品，都系一般放题𠮶啲蛋糕仔泡芙，不过大部份时间个柜比较好食嘅泡芙都系吉嘅。总括而言二百几蚊，有呢个环境同食物质素已经相当唔错。