蝦麵店 (荃新天地) (已結業)

今日下昼肥妹仔去咗荃新天地度行街，行到咁上下肚饿见到呢一间嘅招牌，睇个样都好吸引，所以就入咗去食。咖喱喇沙汤丰盛海鲜面 $111肥妹仔同朋友叫咗一个咖喱喇沙汤丰盛海鲜面，面方面我哋叫咗油面加米粉，佢嘅配料有超多，有两只大虾，两只青口，肉丸，鱿鱼，鱼腐等等，个味都几香浓就两个人食都冇问题。白胡椒肉骨茶油条配白饭 $79另外我哋就叫咗一个白胡椒肉骨茶油条配白饭。呢一个肥妹仔超钟意食！佢系好香白胡椒味啲，肉一咬就溶，攞嚟捞饭最适合我哋呢啲大食怪。脆香鱼皮 $20小食方面肥妹仔叫多一个脆香鱼皮去点肉骨茶。槟城小食拼盘 $108另外在叫咗一个槟城小食拼盘。个小食拼盘入边有好多嘢食，有炸豆卜，串烧，鸡翼，真系令肥妹仔认识多啲马来西亚嘅食物。