The Stadium (已結業)

第一次黎食，因为太肚饿，所以17:30 左右黎到，冇咩人唔使等位，员工态度一般般，做到基本服务。今次叫左个意粉同安格斯汉堡，大约$130一份，份量比出面既西式餐厅多，味道都唔错，意粉唔会太咸，burger 好好食，中间旧安格斯几厚身又juicy，仲有磨菇好大旧好有口感，包皮系脆底，仲有薯条好多😂应该系我食过份量最多既一间，配酸瓜酱或者茄汁都好味。重点系，$38就有500ml既啤酒，非常抵。最后埋单$334，坐得舒服，几chill，食物质素又好，下次再黎。