大山日本料理

营业中

休息中

好耐无去过旺角行街。今晚同女朋友拍完拖，女朋友话晚餐想食日本菜，一于黎到西洋菜南街嘅呢间「大山日本料理」。餐厅嘅装修真系充满日式居酒屋嘅风格，好有日本风味。餐牌有好多图片睇，算系几贴心。我地叫咗一个「堂煮A5和牛寿喜烧（2人前）」。卖点系有250g嘅A5黑毛和牛，肉质真系好鲜嫩，渌两下就熟，牛肉味好重，好好味！配菜系野菜豆腐，真系好清甜可口。另外再追加一客「手打乌冬」。好爽口、好弹牙，够晒口感！配寿喜烧真系好入味，「清酒牛油煮蚬」份量超多！汤汁鲜甜，蚬肉肥美，几好咬口。「明太子鸡翼」炸到脆卜卜又好香，明太子个味都几出，愈食愈滋味。食咗咁多野，埋单唔洗$600，性价比实在很高！