品記鮮粉人家私房菜館

营业中

休息中

自屯马线开通之后真系多左嚟呢边揾食。今日就嚟试下呢间品记，系朋友推介。我地比较早到，大约六点就入座。首先点左个香辣烤鱼煲。鱼系选用左原条海鲈鱼。鱼肉质地食落爽弹鲜甜，鱼味十足，另外配料劲足，如图所示，有芫荽，葱，洋葱同埋大量辣椒。岩晒好辣嘅我，而且配料亦唔会盖过鲈鱼本身嘅鲜味。然后点左个白灼三鲜，包括猪粉肠，鹅肠同黑柏叶。出街食内脏大忌就系洗唔干净。呢到就唔会有呢个问题。三种食材食落都够爽够弹。唔会粉住个口。炸大肠，外皮炸到够脆，然而又有淡淡嘅膻香。值得一赞嘅地方系真系洗得够干净。最后嚟多个绝味鸡脚，好好食。我地啜脚趾啜到无晒肉都继续啜😂最后发现原来7:30前埋单仲有88折。而且地点方便。而家仲可以透过whatsapp订座。咁就唔洗担心摸门钉啦。