Coti the Bistro (五芳街)

营业中

休息中

好耐冇去新蒲岗，虽然就喺屋企对面😂𠮶度有间坐得几舒服又唔贵嘅cafe，都好多人帮衬，嘢食都ok，尤其甜品比较出色。dinner set几十至一百几都有，包汤或沙律，同埋嘢饮。当日餐汤系罗宋汤，味道唔错。其中一份主食拣咗厚切有骨猪扒配泰式酸辣沙律汁，估唔到会有两块猪扒😱猪扒肥瘦适中，口感劲嫩，有惊喜，不过泰式汁少咗啲，如果再多啲就更加惹味。另一份主食拣咗法式炖煮羊膝配意粉，羊膝嘅肉煮得好冧好冧，基本上切都唔洗切，而且好入味，酱汁都几多，攞嚟捞意粉啱啱好。重点嚟啦就系甜品🤩我哋两个都要咗窝夫，一份系杂果忌廉窝夫，一份系Tiramisu窝夫。Tiramisu窝夫好好味，下面系tiramisu，上层系香脆窝夫，估唔到咁夹，而且tiramisu好湿润，好重咖啡味😍值得再去食。而杂果𠮶份有两件窝夫，啲忌廉就多到根本冇可能食得晒🤣上面仲有各种水果。饮品方面选择都好多，我嘅抹茶鲜奶就偏重奶味，唔系好够抹茶味。而朋友份泡沫咖啡就好好多，够香够浓够滑。性价比都好高嘅一间餐厅。